《油桐花ke思念》

| | | 轉寄

Chun-kiêu-súi...圳溝水

Yit-kiok-theù yit-kiok-theù kói-hâ

一钁頭一钁頭改下

chú-kûng ke hon-súi

祖公ke汗水

yit-pun-kî yit-pun-kî sṳ̀n-hí

一糞箕一糞箕承起

chú-phò ke muk-chṳp

祖婆ke目汁

Chhiùng súi-theù theu-to súi-mî

從水頭透到水尾

yit-thiàu yit-thiàu kiên-nai ke súi-kiêu

一條一條艱耐ke水溝

yit-thiàu yit-thiàu yû-chhìn ke thièn-súi

一條一條有情ke田水

yim-chhut kí-tô chhiên-mok ke liòng-thièn

蔭出幾多阡陌ke良田

chhang-páu kí-tô-thoi-ngìn ke tú-sṳ́

撐飽幾多代人ke肚屎



Yit-kiok-theù yit-kiok-theù kói-hâ

一钁頭一钁頭改下

â-kûng ke hon-súi

阿公ke汗水

yit-pun-kî yit-pun-kî sṳ̀n-hí

一糞箕一糞箕承起

â-phò ke muk-chṳp

阿婆ke目汁
Chhiùng theù-pài theu-to liá-ha

從頭擺透到這下

yit-thiàu yit-thiàu ngin-miang ke chun-kiêu

一條一條認命ke圳溝

yit-thiàu yit-thiàu sí-sîm ke thièn-súi

一條一條死心ke田水

chhiù chhiang-li liù-to ô-chô

從淨利流到屙糟

chhiù yû-hi-theú liù-to mò-theú-hi

從yû氣透流到mò透氣