《編輯案頭》

 | | | 轉寄

轉載：2021國際唱客「月光下尋你」

作者 2021.09.19

　　今年台北市客委會指導，由台北市客家文化基金會特別獻上「月光下尋你國際唱客」。首先登場ke he九月二十五號HAKKA SO CHILL 音樂會，邀請當多國內外音樂人，透過演奏、傳唱客家歌曲來認識客家音樂，ya同臺灣民眾分享交流kì-teû自家ke音樂。演出團隊yû：傳承演奏馬來西亞砂拉越原住民傳統樂器莎貝琴ke世界音樂女歌手——阿蓮娜．沐塱（Alena Murang）lâu疫情影響下，當多優秀ke國外樂手暫時留在臺灣，所組成ke TPO踢霹歐爵士樂隊，tu he專業國際知名歌手演唱會ke御用樂手，除忒演奏客家經典歌曲，me lâu來自澳洲ke爵士女歌手，同時he ICRT電台節目主持人凱琳 （Caitlin Magee）共下合作，改編原有傳統曲風，重新詮釋復古爵士ke客家音樂新態度。

　　Ko-lòi，十月二號he一部適合親子共下欣賞ke客家兒童音樂劇「細妹轉屋下」。該劇he為國際唱客線上活動量身製作，以美國奇幻兒童文學——綠野仙蹤為靈感發想，建構客家童趣元素，舞台劇結合線上繪本lâu流行音樂ke概念，帶入客家文化，特別邀請客家電視台節目後生主持群：李佳、曾止妤、林冠群lâu客家金曲歌手：邱廉欽、陳瑋儒lâu山歌傳藝好手李文宏。

　　共下為細人仔擔綱演出liá部適合yà-ôi lâu細人仔共下線上看ke客家親子音樂劇，該劇還結合線下活動運用劇情引導觀眾透過掃描QR Code提交表單有獎贈答，yû細人仔盡好ke高檔魔術道具學習組，lâu京站美食商品兌換券。

　　國際唱客音樂季期間，ya特別規劃兩場大師教你唱作線上交流講座，pûn喜歡學阿姆話創作ke人、社團組織做得線上、電話報名參加。由當出名ke本土語音樂金曲製作人蘇通達先生ke臺灣客家新音樂創作協會理事長同時me he客家金曲創作歌手劉榮昌，透過遠端視訊來教大家ngióng-pân譜曲寫詞，lâu動人ke現代客家歌謠lâu兒童歌謠創作出來。

　　九月二十五號HAKKA SO CHILL 音樂會、十月二號客家兒童音樂劇「細妹轉屋下」，演出該日暗晡夜七點半在台北市客家文化主題公園YouTube線上播出。