《編輯案頭》

| | | 轉寄

轉載:交響六堆心--六堆300紀念音樂會

  「交響六堆心--六堆300 紀念音樂會」,以管弦樂團、客家音樂lâu爵士元素組成,yû三大主軸:《交響六堆心 X NSO》、《交響六堆心 X NTSO》lâu《交響六堆心 X 爵士系列》。由享譽國際ke六堆客籍作曲家温隆信擔任藝術總監,國內兩大交響樂團國家交響樂團(NSO)lâu國立臺灣交響樂團(NTSO)分別獻奏,金曲歌手顏志文、羅文裕、黃瑋傑、朱海君、戴曉君、國立客家兒童合唱團lâu各界音樂家ti 九月十七號國家音樂廳、九月二十四號屏東演藝廳演出,客家委員會主任委員楊長鎮歡迎大家共下來欣賞,見證六堆地區三百年人文歷程lâu音樂文化延續。

  楊主委九月八號出席活動記者會表示,六堆客家ke聯庄制度he臺灣重要ke歷史文化資產,「交響六堆心」he為著紀念南部客家六堆300周年正舉辦ke音樂會,特別邀請六堆出身ke知名音樂家温隆信老師擔綱藝術總監,kì創作ke《第六號交響曲》,yû對鄉土kèneu-neù情感lâu認同,結合NSO、NTSO lâu在地後生客家歌手共下參加,融入南部客家歌謠、八音lâu爵士樂liá-teû多元曲風,he在六堆三百年liá特別ke時空背景產出ke音樂作品,展現出對土地ke禮讚、對先民ke致敬,lâu對臺灣未來ke期待lâu希望。