《油桐花ke思念》

 | | | 轉寄

Ngi-làng-làng-sâm-ngièn ke chhiû-tûng...2003年ke秋冬

作者 Hiû Yit-fàm....邱一帆 2010.12.12

Mí-kuk cho ke cha-tan

米穀做ke炸彈

ti fàn-yùng ke thòi-pet

ti繁榮ke台北

hàn-chhok-chhok ke kûng-yèn

閒綽綽ke公園

Sat-mâng khôi-fâ

煞猛開花

Thien-sṳ mòi-thí ke po-tó

電視媒體報導

chhiuk-kit ke kiang-theù

刺激ke鏡頭

sùn-chhà kiám-chhat tiau-chhà

巡查檢察調查

kûng-khiung ke ngùi-hiám

公共ke危險


Chông-ha tai ke kâng-chung

庄下tai ke耕種

ti sí-ló ke thièn-khiû

Ti死老ke田坵

muk-ngiap-ngiap ke chhoi-yèn

目ngiap-ngiap ke菜園

piang-miang lok-sṳ̍t

拼命絡食

Chhòn-pô mòi-thí hip-chhut

傳播媒體翕出

chiâng-chiâng ke fûng-kông

靚靚ke風光

chṳn-fú kôn-yèn thûi-seû

政府官員推銷

chhái-set ke sên-fa̍t

彩色ke生活


Chông-ha ke kâng-thièn-ngìn

庄下ke耕田人

m̀-hiáu-tet mà-kai sṳ̀n-pún

m̀曉得mà-kai 成本

chúng-tî ye-hâ

總知掖下

fu-fú ke hon-súi

苦苦ke汗水


chông-ha ke chong-chhoi-ngìn

庄下ke種菜人

m̀-hiáu-tet mà-kai li-yit

m̀曉得算mà-kai利益

chúng-tî sû-sṳ̀n

總知收成

sôn-sôn ke muk-chṳp

酸酸ke目汁