《油桐花ke思念》

| | | 轉寄

Kiok-theù-pit...钁頭筆

Sat-mâng ke kiok-theù

煞猛ke钁頭

kói-chhut sên-miang ke ngièn-theù

改出生命ke源頭

chhó-ya̍p-mien tiám-tiám ke lu-súi

草葉面點點ke露水

cheû-cheû siông-sùi

朝朝相隨

thi-nài-hâ chhṳn-chhṳn ke hiông-mi

地泥下陣陣ke香味

ya-ya cho-phân

夜夜做伴


Tá-piang ke kiok-theù

打拼ke钁頭

vat-chhut sên-fa̍t ke kîn-theù

挖出生活ke根頭

Ngiak-theù-táng tiám-tiám ke hon-súi

額頭頂點點ke汗水

sé-chhiang-liàu thôi-nân ke vù-sṳ̂n

洗淨了推懶ke無身

vù-sṳ̂n-hong kón-kón ke hiet-mak

無身項滾滾ke血脈

kiuk-cheú-liàu tén-sí ke lìn-fùn

逐走了等死ke靈魂


Tuk-sṳ̍t ke pit-theù

篤實ke筆頭

kién-tân ki-tet

簡單記得

sên-fa̍t ke kîn-theù

生活ke根頭


Tun-tun ke pit-chiâm

鈍鈍ke筆尖

tân-chhiang khat-chhut

單淨刻出

sên-miang ke ngièn-theù

生命ke源頭