《《馬偕在台灣》布袋戲客語字幕》

 | | | 轉寄

《馬偕在台灣》布袋戲 製作緣起(I)

作者 林俊育（編）；劉敏貞（客語翻譯） 2008.06.01

《馬偕在台灣》布袋戲 製作緣起
我lâu各位觀眾相同，從se-ngìn-è 時節就tshin愛看布袋戲，印象中一直對liá-ke事情保持興趣。布袋戲在台灣ke發展，「霹靂電視台」將布袋戲ke生命延續下去。現今台灣社會，節目tshin多暴力內容，我從開始做台語文運動，感覺語言感情ke表達oi透過母語，講母語係我teû重要ke事情，同一ke時間，我想到布袋戲底背保存ke台語十分多。

Ku-só我在波士頓時節，我teû就組一ke蕃薯園布袋戲團，將我teû所學ke母語—ên-teû ke台語，透過布袋戲發揚出來。所以我teû開始想寫一ke對台灣社會ko有教育意義、無暴力ke劇本。我一下就想到，因為我係基督徒，我感覺馬偕博士對台灣ke貢獻非常大，祂ke基督教對愛護台灣貢獻tshin大，我就從liá-ke《馬偕在台灣》ke劇本開始。

馬偕對台灣ke愛護
因為一般台灣民眾知有馬偕醫院，ko少人會知馬偕醫院係加拿大來ke傳教師—馬偕博士他創立。馬偕博士係來台灣ke傳教士之一，tshin多比他ko早來，m̀-ku馬偕博士就係對台灣有特別ke認同。pûn台灣人特別有感受到ke就係他討台灣pû-ngiòng，兩ke moi-é 又嫁pûn台灣人。他自家ke墓lâu pû-ngiòng ke墓liá-ha全部在淡江中學底背。Ku-só liá 做得看出他對台灣ke愛lâu對台灣ke認同。所以我做布袋戲ke DVD發行lâu「霹靂電視台」來播放，pûn ên-teû kûi台灣ke人來認同台灣，做得來愛護台灣liá塊土地，最主要就係透過耶穌基督ke愛，來愛護ên-teû台灣人、愛護ên-teû台灣liá塊土地，liá-he我希望表現出來ke。

Lâu亦宛然ke合作
因為我teû在美國開始演《馬偕在台灣》ke時節，係從同鄉會開始。演het ke時節，無想到大家講我teû已經在職業lâu「玩票」中間，pûn我teû tshin大ke鼓勵。所以我就想到oi來台灣長老教會ke傳播中心，想透過布袋戲—台灣ke文化，來將基督愛護ke精神傳播出來。Ku-só我就想假使係án-nè，就一定oi做一ke DVD來發行ko好。 DVD當然oi尋專業ke人。在我印象中，傳統ke布袋戲李天祿大師他下來ke亦宛然布袋戲團，在台灣算係tshin “top” ke。所以我就透過各種關係來連絡，後來尤其lâu主演者黃僑偉先生，非常後生，lâu 他溝通後，對劇本各種互相分享，我感覺tó kì-teû 後生tshin有創意。Pûn我感覺lâu他合作，他 kûi-ke團隊精神tshin好，所以合作十分歡喜。Kîm-pû-ngit有liá-ke成果oi感謝liá-ke團隊ke努力tá-piang。