《戀戀台灣客家文學》

 | | | 轉寄

轉載：《1930浪漫譚》跨界合作「客家桐花祭」

作者 2020.05.03

　　客家桐花季來咧！Liá擺加入唯數娛樂自製ke台灣首款文豪養成手遊《1930浪漫譚》，tui liá-ha開始to 五月十二號開放限時下載，pûn大家做得在遊戲中體驗台灣在地桐花景點ke浪漫風情，lâu文豪一「桐」展開冒險故事。

　　《1930浪漫譚》lâu「客家桐花祭」頭一擺舉辦ke合作活動ti四月八號正式開始。Liá擺活動yû兩段專屬桐花祭ke精彩原創劇情，因為玩家收到來自「世界之書」中客庄委託人ke請求，為著pûn年度盛典「敬天謝地儀式」做得順利進行，希望玩家做得then-sú蒐集桐花、木雕、纏花、黃梨lâu酸柑茶liá-teû素材，ya應承事成之後會以客家美食cho謝禮，因為mò辦法抗拒好食ke客家美食，玩家lâu「台灣新文學之父」賴和、「鐵血詩人」吳濁流共下出發，ko一擺步入書中世界，續寫一段全新ke綺麗物語。官方希望透過án-nè ke合作活動，pûn《1930浪漫譚》ke玩家做得深入了解台灣在地文化，探索客家桐花祭ke美麗記憶lâu情感。