《編輯案頭》

| | | 轉寄

轉載:頭份百年古窯特展

  經過二十年ke研究lâu探索,頭份百年古窯在2021年ko一擺啟動,客家委員會then-sú臺灣陶文化協會,推廣臺灣陶窯文化,舉辦頭份斗煥坪「興隆窯」lâu「恒益窯」為主ke徵件展系列活動。「興隆窯」lâu「恒益窯」he臺灣既經pûn人知ke窯址中盡早ke客家窯廠,liá-pái lâu古窯址遺留下來ke珍貴窯跡、透過徵件展收集來ke文物,由客家文化發展中心臺灣客家文化館以博物館ke角色,提供場地平台展出「頭份百年古窯特展」。展期tui 110年十月二十三號to 十一月二十八號。

  十一月十六號客委會楊長鎮主委me來看展覽,由臺灣陶文化協會理事長鄧淑慧親自導覽解說,tui窯廠ke歷史、地理脈絡to古窯lâu相關器物ke採集研究,透過現場展品導覽解說,還原ko描繪客家先民ke生活軌跡。

  楊主委肯定鄧理事長多年來對古窯ke保存lâu客家ke陶窯文化研究,對鄧理事長建議ti僑善國小唇ke公園預定地,設立古窯遺址意象一事,表示voi請苗栗縣政府在新建工程之前,先耙梳該地歷史文獻後,以兼容並蓄的方式,呈現古窯遺址元素ke文史意象,以豐富多元文化,展現在地故事。

  鄧理事長對苗栗古窯ke研究,楊主委期望做得ti客家文化發展中心博物館館訊《客‧觀》中發表,pûn 還kha多人經由《客‧觀》館訊認識lâu瞭解臺灣陶文化協會,同客家文化研究ke努力lâu成果。