《油桐花ke思念》

| | | 轉寄

Hàng-ko nàm-chông kiê-lu-theù.... 行過南庄街路頭

br>
Chhièn-ngiùn ke mi-tho
錢銀ke味道
Chhiam-chhiam-é man-mì
漸漸仔漫迷
Ke muk-chhòi yun-ko ke chûng-sân-lu
該木材運過ke中山路
Tiam-mien yit-kiên yit-kiên khôi
店面一間一間開
Sên-lî yit-ngit yit-ngit lòi
生理一日一日來
「Ngìn-hak,oi-mai má-kai」
「人客,愛買麼介?」

Chhièn-ngiùn ke ka-chhṳ̍t
錢銀ke價值
Chhiam-chhiam-e2chhiim5-ngi̍p
漸漸仔深入
Ke vû-kim5ngiam-ko ke chûng-chṳn-lu
該烏金染過ke中正路
Khon-pan2yet8-cho-ye̍t-thai
看板越做越大
Cheû-phài ye̍t-cho-ye̍t-kô
招牌越做越高
「Ngìn-hak,hàn-oi-mâi má-kai」
「人客,還愛買麼介?」

Yáng-yin ke tûng-sî
影印ke東西
Yáng-yin ke ngiùn-pheu
影印ke銀票
Yáng-yin ke chṳ̂-pún-chú-ngi
影印ke資本主義
Yáng-yin ke ka-chhṳ̍t-kôn
影印ke價值觀
Yáng-yin ke ngìn
影印ke人
Yáng-yin ke nàm-chông
影印ke南庄