《油桐花ke思念》

 | | | 轉寄

Chhó-thi ke sâng-yîm.... 草地ke聲音

作者 Hiû yit-fàm....邱一帆 2009.05.10

M̀ he yû ngìn kóng ko──
毋係有人講過──
Se-se lûi ke hà-kûng-kia̍p fa
細細蕊ke蝦公夾花
Me yû chiâng-chiâng ke sṳ̂n-chông
乜有靚靚ke身裝
Khon m̀ sông-nién ke chhâ-chhièn-chhó
看毋上眼ke車前草
Me yû kám-thung ke yáng-siong
咩有感動ke影像

Ngióng-voi
樣會
Chhṳn-fú ke koai-sú
政府ke怪手
Chúng-hau yá-cheú
總好扡走
Sên-miang ke nài-phì
生命ke泥肥
Chai thùn-sông lâng-siet-siet ke nài-súi
再囤上冷雪雪ke泥水
Lòi mân-chiuk
來滿足
Kî-hái-fa ke ngìn-lui
機械化ke人類

Ngióng-voi
樣會
Chhṳn-fú ke vâi-choi
政府ke歪嘴
Chúng-hau ô-nó
總好阿腦
Phong-fûng ke kien-sat
蚌風ke建設
Chai chan-yòng chok-táng-kô ke sû-ngi̍p
再讚揚桌頂高ke收入
Lòi chông-nêm
來裝淰
Sîm-kôn-tú ke khûng-hî
心肝肚ke空虛

M̀ he yû ngìn kóng ko
毋係有人講過──
Se-se-chak ke thòng-phûng-é
細細隻ke糖蜂仔
Me yû hung-hung-kún ke kô-sâng
乜有哼哼滾ke歌聲
Mî chhòng-chhòng ke yòng-mî-é
尾長長ke揚尾仔
Me yû fa̍t-thiau-thiau ke sṳ̂n-yáng
咩有活跳跳ke身影