《山肚ke暗夜》

| | | 轉寄

Sân phù-yùng fâ khôi ke sṳ̀-chiet (山芙蓉花開ke時節)

Sun-tén vân-va̍t ke kiok-chiak
順tén彎斡ke腳跡
Thèn-tén hâng súi sông hi
Thèn-tén坑水上去
Chhiong seu-ńg sṳ̍p-pat ke phù-yùng
像少女十八ke芙蓉
Yung tô-chhìn ke mien-set
用多情ke面色
Chhai fûng-lòi hâng-kuk ke sùn-piên
在蓬萊坑谷ke sùn邊
Tiâm-tiâm-é tén-thai
恬恬仔等待
Liá sṳ̀-chiet ke long-man
這時節ke浪漫
Sun-tén vân-va̍t ke sân-ǹg
順tén彎斡ke山林
Thèn-tén sân-lu sông-hi
Thèn tén山路上去
Chhiong kû-ngiòng sṳ̍p-pat ke phù-yùng
像姑娘十八ke芙蓉
Yung tô-chhìn ke sṳ̂n-yáng
用多情ke身影
Chhai si-sṳ̍p-ngi fun ke phiàng-táng
在四十二份ke坪頂
Tiâm-tiâm-é sú-ku
恬恬仔守顧
Liá sṳ̀-chiet ke vûn-yù
這時節ke溫柔
Chhai liá phù-yùng fâ-khôi ke sṳ̀-chiet
在這芙蓉花開ke時節
Ngì khon
你看
Khiên-sú ke hìn-yáng
牽手ke形影
Chhiu chhiong ngiàm khiung-ha ke sân-nà
就像黏共下ke山林
Chhai liá phù-yùng fâ-khôi ke sṳ̀-chiet
在這芙蓉花開ke時節
Ngì thâng
你聽
Oi-ngìn ke chhìn-fa
愛人ke情話
Chhiu chhiong chhiâng-chhiâng ke hò-pa-súi
就像清清ke河壩水