《善雄牧園》

 | | | 轉寄

過年ke時候(修訂版)

作者 邱善雄 2012.02.26

年30時節，也就係農曆ke歲尾，過了年30就oi迎接新春。民國以來，倡行新曆，m̀-ku在民間，大家相同注重舊曆過年，所以舊曆過年lâu èn-teû有密切關係，對於去舊更新liá-ke意義ên-teû也容易瞭解。

1. 大清掃：為了迎接新春，家家戶戶自動大清掃屋家內外lâu有teû平常時無注意ke地方也都一一掃淨。因為新年到了，舊ke必須除去，oi換上新ke. Èn-teû聖誕節在新年前，雖然將屋家內外大清掃，將舊破之物換上新物，m̀-ku èn-teû還需要記得清掃èn-teû ke內心。保羅講：「你teû必須脫去舊ke人，就係照引誘人ke私慾在敗壞。」所以聖誕節在歲尾更應將內心ke舊人，舊ke罪惡，舊ke私慾皆除盡。因為舊lâu新永遠係和毋來ke. 主講：新酒新袋，新布舊衣之喻。

2. 著新衫：新年著新衫係èn-teû ke民俗，大家也以新年做得著新衫引以為榮lâu快樂。M̀-ku èn-teû聖誕節更有一件新衫做得著，liá件新衫更有價值，永遠m̀舊m̀破，liá件新衫就係主賞賜èn-teû ke「義袍」。以賽亞講：「我因耶和華大大歡喜，我ke心神因為我ke上帝就快樂，因祂以拯救做衫pûn我著，以公義做袍pûn我著，又èn-teû假使m̀著liá義袍m̀得入新天新地見君王。所以新年èn-teû依俗著上新衫，m̀-ku也需明白保羅所講：「你teû心神也必更新，著上新人，就係照上帝用真理ke義lâu聖來創造ke.」

3. 新計畫、新志願：新年lâu年尾，係èn-teû人生轉向ke起點，我想定著有chhin多人已擬定他明年計畫lâu抱好新ke志願。M̀-ku今晡日我oi問大家關於èn-teû靈性生活敢係èn-teû也已經有新計畫lâu志願；為了pûn大家靈性進步，教會復興，特提出作為èn-teû在新年實行ke新志願：

1. 每日朝晨莫忘私禱，單獨lâu上帝親近，ke價值lâu能力係無mak-ke做得比較。

2. 每日朝晨莫忘讀經，讀時應記得係上帝對你所講ke, oi相信遵行。

3. 每日求上帝同在，神m̀同我去，我m̀去。

4. 為主係徒，莫以他人為轉移。

5. 參加上帝救人ke工作。希望èn-teû在年中做得用更多時間在救人工作、愛人、利益人。