《善雄牧園》

| | | 轉寄

感謝ke心I(修訂版)

Ên-teû知猶太人有三個大節期:逾越節、五旬節(七七節、收割節、初熟節)、住棚節。猶太人對於他teû宗教上ke侍奉:

1. 獻上十分之一
在聖經內有講到三種十分之一ke奉獻部份,就係利未人(傳教者);為節期lâu每逢第三年pûn窮人ke.(就係拯濟窮困ke人)

2. 初熟之物
Màng獻之先,做m̀得食ke初熟ke五穀。新栽ke果樹也必在第四年lâu初熟ke果實獻pûn上帝。獻初熟物ke意思係講,在màng將它ke出產奉獻pûn上帝以前所出ke果實係不潔,獻pûn上帝後,成為清潔ke果物。

猶太人對於他teû ke宗教奉獻án忠實、熱烈,各位兄姐!上帝照顧你,賜恩典pûn你,你sṳt對上帝發出感謝ke心無?主耶穌屈下自家來世界拯救ên-teû卑微ke人,你sṳt為liá事來感謝無?保羅sṳt對ên-teû講:「你teû oi有感謝ke心。」
當主耶穌基督oi上耶路撒冷時,有經過撒瑪利亞lâu加利利ke交界時,有逢到十位痲瘋者,他teû遠遠站tén出聲,求主憐憫他teû, 果然有得到主ke憐憫,主就ham他teû去pûn祭司查驗,他teû去時就得到清潔,對liá段ke記事,ên-teû做得分出三點ke教示:

1. 一人ke感謝
聖經講:「其中一人看見自家已經好,就轉來大聲讚美上帝」,對liá片做得看出世間人都係忘恩背義,得到上帝ke賜福lâu拯救後,時常記m̀得讚美上帝,ên-teû做得看10位痲瘋得到主耶穌ke醫治後,只有ㄧ人轉來感謝lâu大聲讚美上帝,又liá人係撒瑪利亞人,就係外邦人,剩ke九位係猶太人,上帝ke選民tiên-tó較輸外邦人,liá係chhin見笑ke事,現今也有chhin多信徒較輸世俗人,就係得到恩典ke時節,m̀會讚美感謝上帝,m̀-ku希望ên-teû ke教會無liá種現象。

現在ên-teû來看舊約中所記載乃慢ke故事(Ṳ King 5:15);乃幔係亞蘭王ke軍長,係有大權能ke勇士,m̀-ku不幸他忽然發痲瘋病,王lâu他屋家人都chhin煩惱,後來介紹他往以色列就近上帝ke先知以利沙,乃幔將軍也照先知以利沙所吩咐,往約旦河浸7 pái,果然得到醫好,乃幔就滿心歡喜,lâu他一切thèn他ke人到以利沙ke位,站在他ke面前講。對本段ke故事pûn ên-teû知,一位m̀拜上帝ke人,既然有得到上帝ke恩惠,也無m̀記得,感謝讚美上帝ke名,也出於感謝ke心,oi獻上他ke禮物,liá教示ên-teû,假使有得到上帝特別ke祝福時,做m̀得只有出一張嘴來講讚美、感謝ke話,ên-teû oi有實在ke心lâu感謝。假使有出於實在ke心來感謝上帝,自然他看到教會ke欠工,或者oi建設教會時,就會出於他感謝上帝ke心來奉獻他ke時間lâu錢,用liá樣來報答上帝ke恩惠,ên-teû做m̀得像希西家王發病時求上帝醫治,上帝有醫好他,m̀-ku他無照他所得到ke恩典來報答主耶和華ên-teû ke上帝,就使上帝極大ke憂愁。比論來講:「有一朋友來拜託你幫助,你有去幫助他,直到成功,m̀-ku你ke朋友都無對你表出一sṳt感謝ke意思。Ke時你ke心感覺án-ngiòng?敢m̀係chhin艱苦、憂愁嗎?Ku-só ên-teû得到上帝ke恩惠時oi像ke位痲瘋撒瑪利亞人lâu乃幔,來到上帝ke面前感謝讚美主。

2. 俯伏在耶穌腳前感謝祂
Ên-teû看liá位得主醫好ke撒瑪利亞人不只轉去大聲稱讚上帝thin-thin;照聖經所講,他俯伏在耶穌ke足前,來感謝祂。在liá片也oi教示ên-teû, 假使得到上帝ke賜福,oi謙卑俯伏在主ke足前,就係聖殿來感謝敬拜祂,絕對做m̀得傲看為自家ke才能,也做m̀得得上帝賜恩後無感謝上帝,tiên-tó逆上帝去放縱私慾,來敗壞身體。比論來講,有一人患重病在眠床上,生命chhin危險,就求主,主就醫治他,後來病好,身體恢復健康,m̀-ku他無到聖殿俯伏在耶穌ke足前來感謝敬拜祂,tiên-tó將他恢復健康ke身體用於無合主ke旨意,去放縱酒醉、邪謠、奸惡,來違背上帝ke仁愛,致犯大罪,受上帝ke棄捨。Liá就係他應該受ke報應,因為他無謙卑俯伏在主耶穌ke腳前,感謝祂、敬拜祂,ku-só ên-teû每一位信徒假使得到上帝ke恩典時,oi必須回到主ke足前—聖殿用感謝ke心,出讚美ke聲來敬拜祂。

做m̀得像ke九人ke忘恩之心。

因為他teû得到主醫好後,都無感恩ke心,致耶穌內心憂愁。各位兄姐,你sṳt辜負主ke恩典無?願ên-teû都認罪反省吧!又願ên-teû也常屈指來算主ke恩賜;ku-só ên-teû oi時常想主ke恩賜,使ên-teû時常用誠心實意來感謝祂,絕對做m̀得像ke九人忘恩負義ke心。