《客家消息》

 | | | 轉寄

轉載：擴大臺日學術交流：2018臺日客家講座暨客家研究國際研討會 民博登場

作者 2018.12.16

客家委員會副主任委員范佐銘拜五（12/14）lâu臺灣客籍文學作家、客家研究學者、客家文化發展中心同仁共下to日本大阪國立民族學博物館（民博）進行臺日客家學術交流。舊年(2017)客發中心lâu民博、交大客院共下簽定合作交流協定lâu合辦國際研討會後，ko進一步擴大臺日雙方客家學術交流層面lâu深度，拜五下晝ti日本民博舉辦「2018臺灣客家lâu日本客家講座」，湊旅日客家鄉親lâu日本友人共下來參加。昨餔日lâu今晡日舉辦「2018客家族群與全球現象國際研討會」，更邀請來自臺灣、日本、英國、香港、大陸、馬來西亞、加拿大地區學者，進行實質ke客家學術交流lâu對話。

客委會范副主委表示，客委會vi推動臺灣客家文學走向國際，特別ti今年翻譯5部客家文學大師作品，包括鍾肇政《歌德激情書》、李喬《藍彩霞的春天》、曾貴海《曾貴海詩選》、利玉芳《利玉芳詩選》、甘耀明《冬將軍來的夏天》，今年6月陸續ti日本各通路上架出版，也ti日本民博書店販售。Vi推廣經典臺灣客家文學作品，客委會lâu客發中心lâu民博合作，拜五（12/14）下晝請原著作品作家利玉芳、甘耀明lâu日譯作家池上貞子，以「客家文學lâu客家族群文化」為主題，分享kiâ文學創作觀，透過liá場客家文學大師聚總ke盛會，將臺灣客家經典文學，譯介pûn非華文地區ke讀者。活動現場ya邀請中華民國留日京都華僑總會名譽會長張茂勳（安田伊佐男）先生，以「客家lâu ngài」進行專題演講，pûn日本大眾加深對臺灣客家社會ke理解lâu客人ti日本社會ke多元面向，張會長he旅居海外客家ke第二代（阿爸he臺灣高雄客家人），án多年來煞猛then-sú日本lâu臺灣之間ke國際交流，2014年受頒臺灣「華光三等獎章」的榮譽。