《客家消息》

| | | 轉寄

轉載:「何肇衢邀請展」lâu「國姓搶成功」

  臺北市中正紀念堂昨晡日(11月3號)開始「豐采.頌歌—何肇衢邀請展」。客家前輩何肇衢教授he臺灣現代繪畫大師,liá下oi九十歲咧,共樣當好油畫創作。Kì he貧窮農家子弟,用客家硬頸精神創出自家ke油畫天地,用油畫歌頌土地,歡迎大家來欣賞客家藝術家何肇衢教授ke創作。

  下禮拜11月8號「2018客庄12大節慶--國姓搶成功」me熱鬧登場!國姓鄉he南投縣盡多客家人ke所在,國姓鄉總人口1.9萬人,客家人口就達到1.2萬人,比例高達62.2%,m̀過因爭過去國家政策lâu地理環境ke限制,pûn客家文化快速流失lâu ho-ló-fa,客委會當抽間oi lâu地方政府合作,共下推廣「國姓搶成功」liá兜客庄12大節慶系列活動,希望客家子弟透過活動認識客家歷史、團隊合作,重新尋轉自家客家人ke身分,pûn客家文化mò ko流失。