《客家消息》 |
![]() ![]() ![]() |
慶祝五月二十八號世界博物館日,臺灣客家文化館tui五月十號開始推出一系列活動,歡迎入館認識客家文化,me以「博物館社會教育」lâu「客家文化推廣」議題,鼓勵大家行入博物館,輕鬆漫遊客庄時光。
客家文化發展中心臺灣客家文化館he臺灣以客家族群為題ke族群博物館,長年結合學校戶外教學、親子手作課程、環境教育導覽lâu桐花自然生態liá teû,成為苗栗客庄熱門景點,開館十二年以來參訪人數既經超過九百萬人次。逐年五月he感恩ke季節,五月十二號堵好he阿姆節,me he臺灣客家文化館十二週年慶,館慶期間lâu臺灣客家文化館進駐攤商合作推銷客庄特色等路,進駐攤商ti五月十一號、十二號、十八號、十九號推出全館九折ke優惠折扣(優惠商品除外),館方ti五月十號to十二號加碼推好客商城全月全館八折lâu完成指定活動贈送抵用券活動,遊客租借語音導覽機、好客劇場、環教體驗、文創攤車liá teû,使錢兩百仔銀就做得得著五十仔銀抵用券一張。假使用客話祝福臺灣客家文化館生日快樂ko ti google評論留言,mò就he報名五月二十五號客家米食——黃梔粄DIY體驗活動,me做得得著五十仔銀抵用券一張,抵用券使用期限to 113年五月三十一號。
客發中心何金樑主任表示,臺灣客家文化館以傳承客家lâu推廣客語教育為使命,非常歡迎大家to博物館看展lâu參加客家文化體驗活動,ko來,vi呼應今年518國際博物館日ke主題致力在教育lâu探索,強調文化機構提供全面性ke教育體驗,特別舉辦「小小客語導覽員」ke一日體驗活動,pûn親子遊客還啊中意來博物館,歡迎逐年大家tu來臺灣客家文化館參觀學習。本館「小小客語導覽員」體驗活動tui liá ha開放上網報名,歡迎六歲to十二歲ke細人仔報名參加,開放五儕細人仔參加,希望透過博物館的客語學習、導覽解說,來推廣客家文化,pûn客語向下紮根。報名就做得得著好客劇場套票組lâu特色文宣品,歡迎大小朋友共下來參加。
518博物館日該日,今年桐花祭期間詢問度很高ke飯兜yu轉來le!單淨該日買得著,千萬把扼機會!客發中心為歡慶12週年規劃一系列活動,遊客做得lâu觀展ke相片留言to臺灣客家文化館面書粉絲專頁指定貼文,客發中心會ti五月底前抽出幸運兒送出好禮。誠摯邀請大家ti五月安排客庄輕旅行,參觀展覽、買客庄等路lâu欣賞3D劇場,參加生趣ke環境教育課程lâu文化推廣活動。
📌詳情請看:
(1)「客委會客發中心」官網:
http://thcdc.hakka.gov.tw/
(2)臺灣客家文化館官方粉絲團:
https://www.facebook.com/hakkapark/