《客家消息》

 | | | 轉寄

轉載：臺北客家書院教學成果展

作者 2021.11.14

　　臺北客家書院110學年度第二學期教學成果展ti今晡日(十一月十四號)下晝一點臺北市客家文化主題公園戶外園區（臺北市中正區汀州路三段2號)開幕，歡迎來鬥鬧熱！

　　Liá-pái成果展，以「戲棚下ke回憶」為主題，同主題公園年底活動——收冬慶、微酵野餐日共下舉辦，邀請您ti秋收冬藏ke時節，共下來看表演lâu多元ke體驗課程，分享學員在後疫情時代，堅持學習ke豐碩成果！

　　配合客家傳統文化中，秋收冬藏ke平安戲活動，除忒祭祀、戲曲liá-teû，成果展me由客家二胡演奏、客語歌曲演唱，lâu客語史詩吟誦liá-teû課程擔綱動態演出。靜態展示呈現客家工藝、藝術lâu語言文化ke靚，手作課程yû體驗活動，做得製作、帶轉DIY小作品唷！Liá-pái加上客語教學課程攤位，參加客語揣令仔、學習lia-teû遊戲，就yû機會得著等路！

　　會場設yû「竹夢市集」、「微酵市集」攤位；yû客家農產品，秉持「微酵野餐日」連結客家lâu多元族群ke精神，me yû多元ke DIY、農食品做得選購，同時ya邀請後生客語歌手：台灣客語獨立音樂創作歌手黃宇寒、新生代樂團-Siàu-lú khah-lah少女卡拉帶來音樂演出，共下感受新都會客家文化ke氛圍！