《客家消息》

 | | | 轉寄

轉載：2021 ITF台北國際旅展客家主題館歡迎您！

作者 2021.10.31

　　「2021 ITF台北國際旅展」tui十一月五號to十一月八號ti台北南港展覽館一館鬧熱登場，客家委員會聚總全台369客庄觀光資源，規劃「來食來聊，撩客庄」主題，以浪漫台三線、靚靚六堆、幸福台九線為軸線，邀集在地客庄、職人工匠、伴手禮品lâu旅行社，yû二十五ke社區lâu業者參加，規劃「來食DIY」、「來聊DIY」、「客人領路」lâu「客人談唱」主題活動，歡迎全家人共下來客庄liau！

　　客委會主任委員楊長鎮表示，liá-pái旅展為展現客家館ke新風貌，特別推出「社區小旅行」——台三線的苗栗農村上菜、探訪十二寮時光村，六堆的古蹟散步、可可一日遊，台九線的鳳林微旅行liá-teû十五條深度小旅行遊程，lâu旅遊業者推出國家級綠道「樟之細路」、客家文化體驗liá-teû十一以上針對親子、體驗lâu健行liá-teû mò khiung-yong客群ke套裝行程。

　　「職人工匠」，展示藍染、樟腦香茅、陶藝、油紙傘lâu文創手工筆liá-teû五項客庄傳統工藝技術；「來聊DIY」推出藺草編織、手作藍染、油紙傘繪製lâu盤花；「來食DIY」規劃茶皂、可可脂護唇膏lâu護手霜、牛搵水lâu豆腐乳，pûn大家DIY紀念品；伴手禮品方面，yû客家米食點心、果子醬、餅仔、甜酒釀lâu有機米liá-teû五家精選廠商，為民眾精選客庄好味緒。

　　展期yû四日，me安排精采ke「客人領路」系列講座，邀請金鐘得主徐子雁、金曲獎得主羅文裕lâu在地職人葉佐蔚領路行入客庄369，yu安排當出名ke作家劉克襄、溫士凱帶領民眾共下漫遊客庄。另外，「客人談唱」由知名客家搖滾「神棍樂團」，lâu音樂人黃連煜老師帶來盡yû爆發力lâu創意性ke客家音樂饗宴。展期間消費滿999銀元，就送價值450銀元ke精緻竹杯！誠摯歡迎大家共下來客家館（攤位編號K702）「來食來聊，liau客庄」！