《客家消息》

 | | | 轉寄

轉載：風雨球場結合社區再現客庄禾埕

作者 2020.04.26

　　禾埕he傳統傳統客家空間tú，收成曬穀、鄉親集會、感情交流、學習活動ke所在，但he以現代ke建築規劃lâu都市計畫上，oi建立一個禾埕mò-án-kôi，故所客委會目前規劃了「禾埕計畫」，期望風雨球場ke概念，帶入客家元素，án-nè就算發風落雨，yû「風雨球場」，客庄居民共樣做得去該片運動、休閒集會、舉辦各類活動賽事，帶動社區參與lâu提升運動休閒風氣。客家委員會主任委員李永得四月二十二號，去新竹縣竹北市lâu新竹市香山區訪視「客庄創生環境營造計畫」，期望未來會yû還啊多地方以「禾埕」ke概念lâu運動場帶入客家元素。

　　客委會指出，竹北市博愛南路籃球場，未來voi融入客家元素增設球場頂蓋、頂蓋太陽能板、lâu夜間燈光照明；另外，新竹市香山綜合運動場，未來voi增設風雨棚架更新運動場鋪面、改善體適能lâu兒童遊戲區、lâu周圍地景重新規劃施作，融合地方產業、教育、運動服務，lâu運動場打造成老嫩大細tu做得使用ke活動空間。