《戀戀台灣客家文學》

 | | | 轉寄

Muk-chṳp-fâ...目汁花

作者 Suingi 2011.08.21

Fâ chhiu án-nè khôi le

花就án-nè開咧

khôi chhai ngà mien

開chhai吾面

tai-tén sṳ̀-kiên ke hàm

帶等時間ke鹹

yîn-vi thiàm-thiàm ke ki-yi

因為甜甜ke記憶

phi-kûng sôn-sôn

鼻公酸酸



Fâ chhiu án-nè lo̍k le

花就án-nè落咧

lo̍k chhai khûng-khûng-lo̍k-lo̍k ke am-ya

落在空空落落ke暗夜

mò ngie̍t-kûng mò sên-kông

mò月光mò星光



Thèn-tèn sṳ̂-sṳ̂-ngiam-ngiam ngiam-ngiam-sṳ̂-sṳ̂

跈等思思念念念念思思

khôi-lo̍k chhai thú-thi

開落chhai土地

khôi-lo̍k chhai kû-sî ke sîm-lìn

開落chhai孤恓ke心靈

tiâm-tiâm yit-sà-ngìn

恬恬一儕人

kám-su liá yit-lûi-lûi fâ ke

感受這一蕊蕊花ke

hàm-sôn-thiàm

鹹酸甜