《戀戀台灣客家文學》

| | | 轉寄

轉載:浪漫客庄旅遊券

  配合行政院「振興3倍券」方案,客家委員會為振興疫後客庄產業發展,鼓勵大家to客庄消費,七月八號下晝舉辦記者會,宣布加碼推出二十八萬份ke八百銀元「浪漫客庄旅遊券」電子券。客委會還首創「侍親優先方案」,pun5mo3嘛會用手機仔ke長輩,做得由後生人then-sú代替登錄領券,一階段tui 七月十五號起勢優先登記。

  客委會表示,yu5en5-lí國家身分證ke國民lâu yû居留證ke外國籍配偶,tu做得透過LINE加入「客家委員會」官方帳號(ID:@hakka_gov)成為好友,ti活動期間去「浪漫客庄遊」活動帳號完成登錄,就做得參加抽獎,抽中者還做得得著八百銀元「浪漫客庄旅遊券」(1人1機限領取1擺)。

  客委會主任委員楊長鎮在記者會上,lâu來自新竹北埔老街ke商家互動、紹介客庄美食、行銷客庄特色,邀請yû浪漫客庄旅遊券ke人,tui八月一號起勢做得去全臺十一隻縣市七十隻客家文化重點發展區,超過四千家「浪漫客庄遊指定店」消費使用,結帳時打開電子票券掃描QR code就做得,消費滿100元就做得折抵一張,盡高可做得一擺折抵八百銀元。

  楊長鎮主委指出,浪漫客庄旅遊券有「真」、「心」、「好」、「購」四大亮點,合作店家lâu民眾透過LINE加入「客家委員會」官方帳號,「真」容易;做得由後生人then-sú長輩登錄領券,盡感「心」;手機消費輕鬆付,「好」實用;lâu三倍券、農遊券、lâu客庄旅遊券,整合多券使用,「購」便利。

  Lâu別ke振興方案mò共樣,客委會首推「侍親優先方案」,針對屋家yû 六十五歲以上長輩ke家庭,做得由後生人代長輩(盡多兩位),ti七月十五號朝晨九點to七月十九號進行登錄,七月二十號抽獎公告。   一般民眾做得在七月二十二號朝晨九點to起至七月二十六號進行登錄,七月二十七號抽獎公告,期望由後生人帶等歸家人,共下去探索客庄多元、豐富ke文化底蘊,以帶動客庄地區消費動能,lâu振興客庄觀光產業ke目的。

  客委會表示,為著滿足民眾「品客、買物」liáu-teû需求,歡迎全國十一隻縣市七十隻客家文化重點發展區肚,yû合法登記、yû稅籍ke在地美食、文創lâu旅宿業者,tu做得申請加入「浪漫客庄遊指定店」,經審核通過後就做得成為適用店家。相關活動訊息,請上本會官網:http://www.hakka.gov.tw查詢,me做得打諮詢專線0800-898-369。