《客語漢羅聖經試讀版》

| | | 轉寄

約翰福音 第二十一章_2 耶穌lâu彼得

21:15 他teû食朝後,耶穌就lâu西門彼得講:「約翰ke lai-é, 西門,你愛惜我大過這teû嗎?」彼得就對祂講:「主啊!祢知我愛惜祢。」耶穌lâu他講:「你oi飼我ke羊子。」
21:16 耶穌第二pái又問:「約翰ke lai-é,西門,你愛惜我嗎?」彼得對祂講:「主啊!祢知我愛惜祢。」耶穌lâu他講:「你oi 掌我ke羊子。」
21:17 耶穌第三pái又問他:「約翰ke lai-é,西門,你愛惜我嗎?」彼得因為主連連三pái 問他,「你愛惜我嗎?」所以就憂愁。就對耶穌講:「主啊!祢無所不知,祢知我愛惜祢。」耶穌lâu他講:「你oi飼我ke羊子。」
21:18 我實在lâu你講:「你後生ke時,自家結腰帶,自由來去;m̀-ku等到你老lé,你將oi伸出雙手,別人就纏著你,拖你到你m̀-oi去ke地方。」
21:19 耶穌講了這個話,係指示彼得將oi ngióng般死,來榮光上主。這teû話講lé,就對他講:「來thèn我。」