《客語漢羅聖經試讀版》

 | | | 轉寄

約翰福音 第十九章_0 耶穌pûn人侮辱

作者 客語聖經 2009.09.20

19:1 所以彼拉多就下令鞭打耶穌。
19:2 兵仔用竻仔編一頂miên-liù戴在祂ke頭那頂，又lâu祂著紫色ke長袍。
19:3 他teû就行前來對祂講：「猶太人ke王啊！萬歲！」就用巴掌搧祂。
19:4 彼拉多又出去對眾人講：「看啊！我帶祂出來就近你teû,pûn你teû知我查m̀出祂有mak-ke罪。」
19:5 耶穌帶竻仔ke miên-liù,著紫色ke長袍，就出來。彼拉多對他teû講：「你teû看這個人！ 」
19:6 所以眾祭司長lâu衛兵一看到耶穌，就喊講：「將祂釘十字架，將祂釘十字架，」彼拉多對他teû講:「你teû自家帶祂去釘十字架；因為我查m̀出祂有 mak-ke罪。」
19:7 猶太人應他講：「我teû有一條律法，照ke條律法，祂係該死，因為祂自稱係上主ke Lai-é。」
19:8 彼拉多一聽到這個話，就越驚；
19:9 又倒轉去總督府，對耶穌講：「祢到底係從nai位來？」總係耶穌無應他。
19:10 彼拉多就對祂講：「祢m̀應我嗎？祢敢講m̀知我有權好放祢，也有權好將祢釘十字架？」
19:11 耶穌應：「若m̀係上主賜這權柄pûn你，你就無權好來判我，所以出賣我pûn你ke人，他ke罪還較重。」
19:12 彼拉多聽到這個話就越想oi放祂，m̀-ku猶太人喊講：「你假使放這個人，你就m̀係皇帝ke朋友，所有自稱做王ke人，就係皇帝ke敵人。」
19:13 彼拉多一聽到這個話，就帶耶穌出來開庭審問，坐在石階，(希伯來話喊做枷巴他)。
19:14 Ke日係逾越節ke前一日，大約係臨當晝，彼拉多就對猶太人講：「看啊！你teû ke王！」
19:15 他teû就喊講：「除掉祂，chhṳ̀死祂，釘祂。」彼拉多對他teû講：「將你teû ke王釘十字架嗎？」眾祭司長應講：「皇帝之外我teû無王。」
19:16 因為án-ngiòng.彼拉多就將耶穌出賣，被他teû去釘十字架。