《客語漢羅聖經試讀版》

| | | 轉寄

約翰福音 第八章_4 自由人lâu奴僕

8:31 耶穌對ke-teû信祂ke猶太人講:「你teû若常常遵守我ke道,你teû就正經係我ke門徒;
8:32 你teû會識真理,真理也會使你teû 得自由。」
8:33 他teû就應祂講:「我teû係亞伯拉罕ke子孫,從來m̀識做人ke奴僕,祢ngióng會講:『使你teû得自由喏?』」
8:34 耶穌應他teû講:「我實在 lâu你teû講,所有犯罪 ke人就係罪ke奴僕。
8:35 奴僕在家庭中無一定像lái-é永久屬於家庭。
8:36 假使係上主ke Lai-é使你teû 得自由,你teû就係自由ke人。
8:37 我知你teû係亞伯拉罕ke子孫,總係你teû還想oi chhṳ̀我,因為我ke道你teû m̀接受。
8:38 我所講ke係Ngâ爸指示我ke,你teû所做ke係你teû ke祖先lâu你teû講ke.」
8:39 他teû就應祂講:「我teû ke祖先係亞伯拉罕。」耶穌對他teû講:「假使你teû係亞伯拉罕ke子孫,行事就必定lâu亞伯拉罕共樣。
8:40 我向你teû講ke真理,係我從上主該位聽到ke, 你teû 這下想oi chhṳ̀ 我,這個 m̀係亞伯拉罕所做ke事啊。
8:41 你teû係做你teû ke阿爸所做ke事。」他teû就對祂講:「我teû m̀係私生子,我teû惟一ke阿爸,就係上主。」
8:42 耶穌對他teû講:「若上主係你teû ke阿爸, 你teû就一定會愛我;因為我係從上主該位來ke; 我m̀係自家來ke,係祂差遣我來ke。
8:43 你teû ngióng m̀會明白我ke話?因為你teû聽我ke道m̀入耳。
8:44 你teû係魔鬼ke子女,偏偏oi照你teû ke私慾行事。他自古早就係謀害人ke, 也無khî在真理這片, 因為他根本無真理。他就係fâ-liâu-kú, 也係一切虛假ke源頭。
8:45 總係因為我講真理,你teû就m̀信我。
8:46 你teû中má人能指證我有罪喏?若我講ke係真理,你teû做mak-ke m̀信我喏?
8:47 所有屬上主ke 子女,就聽上主ke話,你teû係因為這個緣故無聽,你teû m̀係屬上主。」