《客語漢羅聖經試讀版》

| | | 轉寄

馬太福音第二十六章_08 耶穌被人捉去

26:47耶穌在ke講話ke時候,看啊!十二門徒當中ke猶太來到。有一大群人帶著刀仔,棍仔同他共下來;他teû係祭司長lâu民間ke長老派來ke.
26:48出賣耶穌ke人,事前pûn他teû暗號,講:「我chîm má人,祂就係你teû想要ke人,你teû就捉祂。」
26:49猶太一到,即時就行到耶穌面前,講:「先生,平安」;就chîm祂。
26:50耶穌就lâu他講:「朋友啊,做你所oi做ke事。」所以,ke-teû人就行前來,下手捉耶穌。
26:51看啊!Lâu耶穌同在ke人,有一儕pâng出刀仔,對大祭司長ke僕人劈過去,削掉他一隻耳公。
26:52耶穌就lâu他講:「你ke刀仔收起來;因為所有動刀ke,一定會死在刀下。
26:53敢講你m̀知我做得求Ngâ爸,祂這下就會差超過十二ke使者來pûn我嗎?
26:54假使án-ngiòng做,聖經所講ke事一定有,oi ngióng般得應驗喏?
26:55到ke時,耶穌對眾人講:「你teû帶等刀仔lâu棍仔出來捉我,看我做強盜係嗎?我每日坐在聖殿肚教你,你teû也無捉我。
26:56 總係,這全部ke事發生以後,係oi應驗先知在聖經所講ke話。」Ke時眾門徒就離開耶穌逃走。