《客語漢羅聖經試讀版》

 | | | 轉寄

約翰福音 第六章_4 耶穌係生命ke糧食

作者 客語聖經 2008.09.14

6:25 既然在海ke對岸尋到祂，就問祂講：「先生，祢幾時來這位？」
6:26 耶穌應他teû講：「我實在 lâu你teû講，你teû尋我，m̀係因為看到神蹟，係因為有食ke-teû糧食，又得到飽足。」
6:27 你teû勞苦m̀好為到會腐壞ke米糧，oi為到存到永生ke米糧，即係人子oi pûn你teû ke; 因為祂，即係阿爸上主所批准ke.
6:28 他teû就對祂講：「我teû oi ngióng得行來做上主ke工作喏？」
6:29 耶穌就lâu他teû講:「你teû信靠祂所差遣者，就係上主ke工。」
6:30 他teû就問祂講：「祢oi行mak-ke神蹟，使我teû看到好來信祢喏？
6:31 我teû ke祖先在曠野有食嗎哪；照聖經所記載: 『祂將從天頂來ke糧食 賜pûn他teû食。』」
6:32 耶穌lâu他teû講：「我實在lâu你teû講，m̀係摩西有將從天頂來ke糧食賜pûn你teû,只有Ngâ爸將從天頂來ke真糧食賜pûn你teû.
6:33 因為上主ke糧食係從天頂降臨，將生命賜pûn世界。」
6:34 他teû就對祂講：「主啊，請將這個糧食常常賜pûn我teû.」
6:35 耶穌lâu他teû講：「我就係生命ke糧食；人來我 這位，就必定無飢餓，人信靠我，也永久m̀會渴。
6:36 總係我有lâu你teû講，你teû已經有看到我，也還m̀信。
6:37 凡阿爸所pûn我ke必定oi來我這位；人來我這位，我也絕對m̀會拒絕他。
6:38 因為我從天頂下來，m̀係憑我自家ke旨意行事，係oi實行『差我來ke』ke旨意。
6:39 Ke『差我來ke』ke旨意，就係oi我保守祂所pûn我ke,連一個也m̀會失掉，反轉在末日使他teû復活。
6:40 因為這個就係Ngâ爸ke旨意，即係pûn所有看到Lái-é lâu來信祂ke人，好得到永生；我在末日也oi使他teû復活。」
6:41 猶太人因為耶穌講：「我係從天頂降下來ke糧食，」就暗中議論祂。
6:42 他teû就講：「這個敢m̀係約瑟ke lai-é耶穌嗎？祂ke爺ôi我teû也識。祂ngióng得敢講，我係從天頂降下來ke !」
6:43 耶穌應他teû講：「你teû莫在暗中議論。」
6:44 若m̀係差我來ke阿爸引帶他teû,就無人會來我這位；我在末日會使他teû復活。
6:45 眾先知ke書有記載講：『他teû全部也將oi得上主ke教示。』凡所有聽從阿爸又接受Kiâ教示ke, 必來我這位。』
6:46 M̀係講有人識看過阿爸，只有對上主來ke,他teû就有看過阿爸。
6:47 我實在lâu你teû講，信ke人有永生。
6:48 我係生命ke糧食。
6:49 你teû ke祖先在曠野食嗎哪，還係死掉。
6:50 這個從天頂降下來ke糧食，使食ke人就m̀會死。
6:51 我係生命ke糧食，從天頂降下來ke,食這個糧食ke人，就必會先到永生。我所oi賜pûn人ke糧食，就係我ke肉，係oi pûn世間人得到生命ke.
6:52 這個話在猶太人當中引起激烈ke爭論。他teû講： 「這 ke人ngióng般會將祂ke肉來pûn我teû食nè?」
6:53 耶穌就lâu他teû講：「我實在lâu你teû講，你teû既然m̀食人子ke肉，飲祂ke血，你teû就無真ke生命。
6:54 食我ke肉，飲我ke血，就有永生，我在末日也oi賜他福氣。
6:55 因為我ke肉係真ke食物，我ke血係真ke飲料。
6:56 Ke食我ke肉，飲我ke血，他就在我底背，我也在他底背，兩儕成做一體。
6:57 永生ke阿爸差遣我，我就因為阿爸來生；食我ke肉也oi因為我來生。
6:58 這個係對天頂降下來ke糧食；m̀係像你teû ke祖先食過ke,他teû食嗎哪，還係死掉；總係食這個糧食ke人就必定生到永生。」
6:59 耶穌係在迦百農會堂教示人講ke話。