《客語漢羅聖經試讀版》

| | | 轉寄

馬太福音第十四章_03 耶穌行水面

14:22 耶穌ngiàm時催促祂ke門徒上船,先到對岸去,等祂喊眾人轉去。
14:23 耶穌等眾人已經離開後,自家就上山去祈禱;到暗晡頭祂自家還留在該位。
14:24 Ke時,船離岸已經盡遠,被浪打到橫來橫去,因為船係逆風行。
14:25 天矇光ke時,耶穌行在湖面,來親就門徒。
14:26 門徒看到耶穌行在湖面,就著驚,講:「係鬼!」他teû就驚到喊起來。
14:27 耶穌即時就對他teû講:「你teû安心,係我,m̀使驚!」
14:28 彼得應祂講:「主啊!若正經係你,就好命令我行在水面來親就祢。」
14:29 耶穌講:「來!」彼得就對船頂下去,行在水面,來親耶穌。
14:30 總係,因為看到風盡大,就著驚,就開始沉著下去;他就呼喊講:「主啊!救我。」
14:31 耶穌ngiàm時伸手拉著他,lâu他講:「你ke信心實在太細,做mak-ke扶你喏?」
14:32 他teû一下上船,風就停下來。
14:33 在船頂ke人就跪拜耶穌,講:「祢實在係上主ke Lai-é。」