《客語漢羅聖經試讀版》

| | | 轉寄

馬太福音第十二章_04 耶穌lâu別西卜

12:22 Ke時,有人帶一個被鬼附身,瞙目ke啞仔來耶穌面前。耶穌醫好他,使啞仔有辦法講話也看得到。
12:23 眾人盡著驚,就講:「這個 chhièn係大衛ke子孫嗎?」
12:24 法利賽人聽到就講:「這個人逐鬼,係靠鬼王別西卜,若無,祂就無辦法!」
12:25 耶穌知他teû ke意思,就lâu他teû講:「所有國家自相紛爭,ke國家一定敗掉;所有城市抑係家庭自相紛爭,一定會khi5m3住。
12:26 假使撒旦逐撒旦,就係自相紛爭,他ke國ngióng般khî得在喏?
12:27 若我靠別西卜來逐鬼,你teû ke子弟係借má人來逐鬼喏? Án-ngiòng你teû ke子弟會證明係你teû m̀-chho̍k !
12:28 若我係借上主ke聖靈來逐鬼,證明上主已經在你teû當中掌權lé.
12:29 「除非先纏著勇士,正有法度入他ke屋下來搶他ke財產。
12:30 「M̀同我共下ke,就係反對我ke;m̀同我共下收集ke, 就係打散ke.
12:31 所以,我lâu你teû講,人所犯ke罪惡lâu譭謗ke話一定oi得到赦免;總係譭謗聖靈就一定無可能得到赦免。
12:32 不論má人講話來犯到人子,還有可能得到赦免;總係有人講話來褻瀆聖靈ke,不論今生也係來世,無可能得到赦免。