《客語漢羅聖經試讀版》

| | | 轉寄

約翰福音 第八章_3 我去ke地方你teû做m̀得去

8:21 耶穌再lâu他teû講:「我oi離開,你teû也會尋我,你teû也會死在自家ke罪中;我所去ke地方,你teû m̀得去。」
8:22 猶太人ke領袖就講:「祂講,『我所去ke地方,你teû m̀得去,』敢講祂oi自殺mé ? 」
8:23 耶穌講:「你teû係從地上來,我係從天頂來;你teû係屬這個世界, 我m̀係屬這個世界。
8:24 Ku-só我就lâu你teû講,你teû會死在自家ke罪中;因為你teû既然m̀信我就係『自有永有』ke一位,你teû就會死在自家ke罪。」
8:25 所以他teû就問祂講:「祢係má人?」耶穌就lâu 他teû講:「我一開始就lâu你teû講過。
8:26 關係你teû, 我有盡多事應當oi講,應當oi斷;總係差遣我來ke係真實;我只有將從祂該位聽到ke話,來傳pûn世間人。」
8:27 他teû無明白耶穌所講ke,係關係阿爸ke事。
8:28 所以耶穌就講:「等到你teû 將人子擎起來以後,你teû 正知我就係ke一位,也知我無憑自家做mak-ke, 只有照阿爸教我ke, 我就講這teû話。
8:29 差遣我來ke也係lâu我同在;祂無放我孤單,因為我時常做祂所歡喜ke事。」
8:30 在祂講這teû話ke時,就有盡多人信靠祂。