《油桐花ke思念》

 | | | 轉寄

Chhìm,yit-ke chông-ha...尋，一個庄下

作者 Hiû Yit-fàm....邱一帆 2011.01.16

Chhìm,yit se-khiû thièn

尋，一細坵田

thièn-khiû tú　yû fù-chhiû vun-nài

田坵肚　yû湖鰍搵泥

　　　　yû thièn-lò káu-súi

　　　　yû田螺搞水

　　　　hàn-yû kuái-è hà-mà chhong-chhut

　　　　hàn-yû kuái-è蛤蟆唱出

　　　　am-ya ke fôn-hí

　　　　暗夜ke歡喜


Chhîm,yit thiàu chun-kiêu

尋，一條圳溝

chun-kiêu tú yû hán-è chon-nài


圳溝肚 yû蜆仔鑽泥

　　　　yû mô-hái khong-khûng

　　　　yû毛蟹囥空

　　　　hàn-yû chit-ǹg thòng-set chhiù-chhut

　　　　hàn-yû鯽魚塘虱泅出

　　　　khoai-lo̍k ke thièn-thi

　　　　快樂ke天地


　　　　Chhìm,yit ke chông-ha

　　　　尋，一個庄下

　　　　chông-ha yû kí-theù ngiù-ngién

　　　　庄下 yû幾頭牛眼

　　　　yû kí-chhùng chuk-theù

　　　　yû幾叢竹頭

　　　　hàn-yû kí-fu ngìn-kâ

　　　　還yû幾戶人家

yû-hàn-sṳ̀-chiet tá-hí sên-chhi ke choi-kú

有閒時節打起生趣ke喙鼓

kín-kûng-lòi-sṳ̀ sên-sán lò-thung ke mî-kám

緊工來時生產勞動ke美感


Chhìm,yit-ke chông-ha

尋，一個庄下

yit-ke mung-sióng ke só-chhai

一個夢想ke所在

cheû-sṳ̀n am-pû

朝晨暗晡

theù-pái chiông-lòi

頭擺將來

yit-ke pak-kûng ya voi seu-mî-mî ke thi-fông

一個伯公也會笑微微ke地方

m̀ tî,m̀ tî oi

m̀知，m̀知oi

cheú to nai-vi hi

走到奈位去

chhìm

尋