《田螺》

| | | 轉寄

Lâu lo-fú kóng (Lâu老虎講)

Lâu lo-fú kóng
Lâu老虎講
Chhai Tha̍t-ngì-vùn thì-chhut chin-fa-lun chṳ̂n-chhièn ke theù-pá
在達爾文提出進化論之前ke頭擺
Hiûng-theù ok-mien chó chhiu he sên-chhùn ke thiet-chet
凶頭惡面早就係生存ke鐵則
Vûn-vùn san-liòng chu-thin chhai yên-fa chûng me̍t-chhie̍t
溫文善良註定在演化中滅絕
Sî-kôa vá thai-phién pún-than he chhṳ-yèn ke tho-lî
西瓜偎大片本旦係自然ke道理
Khon kô m̀ khon tâi ya m̀ sṳ́ yû khì-koai ke kám-kok
看高m̀看低也m̀使有奇怪ke感覺
Lo-fú, hàn he ngì kha thiàu-chhṳ̍t
老虎,還係你較條直
Thiàu-chhṳ̍t cho chin-fa-lun ke sin-thù
條直做進化論ke信徒

Chhai mìn-chú chheù-liù chhûng-kit yí kiú ko heu ke Thòi-vân
在民主潮流衝擊已久過後ke台灣
Fú lo̍k phìn-yòng pûn keú khî m̀ he mak-ke sîn-vùn
虎落平陽分狗欺m̀係mak-ke新聞
Sṳ̍t ngìn sâng kiok ke sṳ-chhìn nai-vi chhiu yû
食人生腳ke事情nai-vi就有
Ló-sṳ̍t ke ngìn yún-kiú mò phan-fat chhut-theù
老實ke人永久無辦法出頭
Kûnng-phìn chṳn-ngi put-ko he hó thâng ke kheú-ho
公平正義不過係好聽ke口號
Lo-fú, hàn he ngì kha thán-pha̍k
老虎,還係你較坦白
Thán-pha̍k cho chin-fa-lun ke sin-thù.
坦白做進化論ke信徒