《客家消息》

 | | | 轉寄

轉載：《潛園風月》客家大戲巡演

作者 2019.07.07

　　精緻客家大戲《潛園風月》，he lâu新竹仕紳、客家婿郎林占梅ke真實故事改編ke，kûi齣劇本yû深厚ke歷史lâu文學性，希望透過戲曲，pûn大家知台灣土地發生過ke歷史，知客家人ke故事。這齣劇講述ke清朝客家女婿林占梅ke故事，m̀單淨對客家人，在當時台灣也he非常重要ke關鍵歷史人物。


　　Thèn等時代變遷，戲曲me oi向前行，融入現代表演ke編導、唱腔lâu身段liá-teû元素，榮興客家採茶劇團大家長鄭榮興校長指出，客家採茶戲和ho-ló歌仔戲盡mò共樣ke he，傳統歌仔戲ke水袖he表演特色代表，清朝時期客家服裝mò水袖，故所以生動ke表情傳遞情感給觀眾，《潛園風月》ke精隨就he演員ke表情lâu肢體動作。


　　Tui客家委員會來講，推廣客家戲曲yû兩項目標，一he傳統戲曲藝術ke創新lâu傳承，二he客家戲曲人才ke養成。榮興客家採茶劇團演員陣容橫跨資深、中壯、青年lâu學子liá四隻階段，世代mò共樣，yû mò共樣ke生命經驗、表演訓練，pûn戲曲還啊豐富、yû張力。


　　榮興客家採茶劇團ti 7月中旬開始8縣市的巡演，首站he苗栗ke苗北藝文中心，特定場次還yû機會獲得限量《潛園風月》珍藏筆記本，活動詳情請to「2019精緻客家大戲」官網查詢http://hakkaevent.com/，客委會歡迎大家共下來看戲，感受客家傳統戲曲ke魅力。