《客家消息》

 | | | 轉寄

轉載：日本福島中學生浪漫台三線初體驗　感受客庄人文好風情

作者 2018.12.30

　　客家委員會為增進台日國際觀光交流，107年12月23號to 27號邀請日本福島縣南相馬市29名中學生浪漫走訪台三線，pûn日本後生世代ko進一步認識體驗台灣客家族群多元文化，感受客庄好客熱情ke款待。

　　Liá擺來訪中學生大體he頭一擺來台灣，除忒安排浪漫台三線深度豐富行程外，ya特別參訪總統府、台北101、大稻埕——舊城老街巡禮。台三線走訪行程，以新竹、峨眉、北埔lâu苗栗南庄為主，其中to峨眉天主堂體驗手作窯烤麵包lâu品嘗客家阿婆私房料理，感受十二寮湖光山色，ya lâu在地返鄉青年交流，了解oi ngióng-è運用舊物打造免費商店，營造社區lâu地方創生。Ti北埔老街品啜東方美人茶風味lâu客家擂茶體驗，參觀金廣福、慈天宮lâu正得著公共工程委員會金質獎ke姜阿新洋樓liá-teû識見證歷史ke客家文化新亮點；to苗栗南庄品嘗賽夏村民們在地食材料理lâu傳統樂器臀鈴體驗 ，欣賞山宛然客家布袋戲精彩演出，ti獅頭山靈洞宮聆聽在地耆老解說鄉土故事，ya參加祈福戴絭儀式，享受原客文化共融ke氛圍。

　　Liá擺活動pûn福島學生近距離接觸客家文化，學生仔對客庄鄉親好客熱情lâu客家美食風味印象深刻，未來變作傳遞客家文化ke種子，有效開啟跨國文化交流ke契機，期盼還啊多台日學生選擇to客庄互訪交流，pûn客家文化繼續傳揚。