《客家消息》

 | | | 轉寄

轉載：浪漫臺三線縣定古蹟姜阿新洋樓得著公共工程建築金質獎

作者 2018.12.23

客家委員會vi保存傳統客庄文化資產特色，補助新竹縣政府進行縣定古蹟姜阿新洋樓修復再利用工程，勇奪行政院公共工程委員會舉辦ke第18屆公共工程金質獎建築類優等獎，客家委員會期許本案做得vi ko-lòi 客委會補助地方政府推行浪漫臺三線之文化資產修復，樹立優良典範。

　 姜阿新洋樓ti國定古蹟金廣福公館、天水堂、縣定古蹟北埔慈天宮liá-teû古蹟群該片，he臺灣少數僅存完整保存客庄歷史氛圍ke文資聚落空間，在北埔街區yû重要ke地位，除忒在大隘ke開發史上yû意義以外，其建築物還kha he代表北埔地區日治時期茶產業發展to極致ke文化象徵，yi yû歷史意義lâu教育意涵，me he臺三線上盡yû文化特色ke新亮點之一。

姜阿新洋樓的興築由竹東本地建築師彭玉理所設計，採洋式風格，過後，因為產權數度轉移，民國101年，合作金庫yû意lâu洋樓賣出，姜阿新後人vi尋轉過去珍貴ke生活回憶，集資新臺幣8,000萬元向合庫買轉來，ko由新竹縣政府向客委會申請經費2,968萬元進行修繕。

姜阿新洋樓在舊年（106年）3月2號開工整過，經由客委會lâu新竹縣政府團隊、施工團隊成兩年ke共下努力，成功得著優等公共工程金質獎肯定，該古蹟建築未來voi作為浪漫臺三線ke重要據點之一。

　　 客委會表示，浪漫臺三線he一條集結客家人文、歷史lâu產業ke大道，vi著傳承lâu復興客家文藝，客委會積極整合地方政府lâu民間資源，共下保存lâu修復傳統建築，美化臺三線沿線景觀，同時也推出相關遊程，期待民眾來體驗客家文化之美。故所，姜阿新洋樓tui 12月開始試營運，未來voi結合該搭位ke國定古蹟金廣福公館、天水堂、縣定古蹟北埔慈天宮古蹟群，誠摯邀請大家來北埔liau，共下見證浪漫臺三線推動ke具體成果。