《蘭軒小築》

 | | | 轉寄

miang...命 第二集

作者 Lò-siu-lìn...羅秀玲 2008.05.25

朱雲屋家核泥屋，壁項用牛屎同禾截攪等泥土糊起來，鼻著還許把臭呢！阿松有兜仔堵無核。
朱芸个爺哀都he四川人，四川話ke鄉音一等重，好得有李老師做翻譯，正聽有佢等講麼个。
「朱芸是俺我大妹仔，嫁到台灣去，你們要好好地對她啊！」朱芸的母親金花說。
「會啦會啦！我會好好的把她當成是我女兒般疼惜的，您放心好了！」月華嫂接著說。
「阿松噉有冇兄弟姊妹呀？」金花問。
「我只有兩個兒子而已，去年我才剛替小兒子辦婚事呢！」月華oi翻譯ke李老師同金花恁樣講。
「那就決定個好日子來辦婚事，你們看看要如何辦理？」月華提出建議。
兩日後，阿松帶等聘金同禁指來到朱芸屋家訂婚，兩儕完成了過定。由於台灣ke法令，外籍新娘愛三隻月正做得來台灣，四月去大陸討姐仔ke阿松，這下會八月半了，朱芸還吂有消息幾時會過來台灣，好在，阿松在八月半ke前日，知得佢做得過來，阿松歡歡喜喜去機場接朱芸，然後去出境管理局面談。會談了一點鐘，兩儕共下坐車歸屋家。
「等一下就會看到阿爸，佢人蓋好，你m̀使驚。」阿松同朱芸講。
「你來啦！」月華嫂講。
「阿姆！」朱芸細細聲講。
「來！這he阿爸」月華嫂同朱芸介紹。
「阿爸」朱芸當有禮貌點頭。
「恁遠來到台灣，一路項也kioi了！等下仔好去間房歇睏。」阿爸講。
「這he我老弟文山、隔壁he玉蘭」阿松講。
歸家人講了幾下話，大家都感覺這朱芸當生趣。十日後，月華嫂同富強歡喜仔為阿松佢兩儕辦仔蓋鬧熱ke婚禮，在庄肚開雜貨店ke富強哥人面闊，請了會五十零桌招待。聽講新娘he大陸ke，大家都頸筋梆啊長長，想看啊生ke樣般。
新娘仔出來囉！阿松牽等佢出來，細義ke定定行。 「啊，奈有麼个靚？人又矮dut8 dut8仔！」多嘴ke桂英伯姆講了出來…
「別人討心舅mò講這有个無个」 來旺叔煞煞喊佢恬恬。 大陸同台灣ke生活習慣多少有差別，朱芸當好食辣，食到連文山看著都會發驚。
因為恁樣，朱雲在陳屋m̀使煮飯，大家都食m̀慣該又鹹又辣ke菜，yi m̀合味，續變做「一屋兩煮」，連富強也咄佢煮ke菜樣食得！
「奈有細妹仔食恁辣，身體m̀會食壞喔！」文山講。
佢常透看到朱芸一調羹一調羹个舀辣醬，像m̀使錢樣仔，緊舀。 「唉喲，你們台灣這兒的辣醬一點辣都沒有，真是難吃死了，還是我家鄉的辣醬比較好吃。」朱芸氣急敗壞地說。
「無辣也m̀使講恁壞聽，愛食，m̀會歸去屋家食，還愛來台灣做麼个！還嫌這位ke東西m̀合意」文山細細聲講，玉蘭遽遽使目角，喊文山mò講恁大聲分佢聽著。
食飯也盡m̀規矩，阿爸阿姆還未坐正，朱芸就先拿筷仔夾菜來食哩……自古有一句話講：「有錢使得鬼挨磨，人為著錢，麼个事情都會肯去做，我試著，朱芸he為著錢來ke。」文山推論講。
「莫撘佢啦」玉蘭話文山……
講到該朱芸，玉蘭也感覺佢蓋自私，有成時愛去樓頂項收衫褲入來ke時節，佢正收其自家ke，mò收阿姆ke呢，該日旋旋風落大嬤雨，好得我遽遽走上去收落來，he mò衫褲都會溚濕仔。還有一擺阿姆ke衫褲放啊會歸禮拜都還吂收，阿嫂看到也m̀會then手收……玉蘭同老公講這兜事情，過後文山也看過幾下擺朱芸收自家ke衫褲落來。
「日久見人心啊！逐日睡到會當晝，也m̀會試到壞勢，還實在he朱嬤（lâu猪嫲同音）哦！阿姆樣會選著這個做心舅？」文山想。
月華嫂he按算分朱芸開始慢慢仔慣習目前ke生活，正教佢then手屋家雜貨店ke生理，有擺，月華嫂問佢：「天光日去同阿爸then手雜貨店ke生理好mò？」
「我不去！」朱芸恁樣回答。
又幾下擺問佢共樣ke話，朱芸還he回答：「我不想去。」 佢續歸日仔流流漂漂，打扮介靚膩膩，同該兜共下嫁來台灣ke姊妹邀趁出去遊嫽、逛街。
月華嫂兩公婆有時節也為著這個大陸心舅相吵，怪月華目珠缶燒ke，樣會選到恁懶尸ke做心舅，逐日睡著會當晝正hong床，毋單只mò then手做生理算，又拿錢轉大陸，還正經he「蓄老鼠咬布袋」……這下好哩，花了三十萬，討個m̀會做事ke大小姐，千擇萬擇，擇著爛瓠杓，唉，命啊！
「麼人喊你該時m̀同我共下去擇心舅，這下續怪我無擇好！」月華嫂講。
M̀單只恁樣，連阿叔也去投富強講朱芸ke事…
「舊年阿爸過身，你該大陸心舅啊！實在還mò規矩，大家兄弟姊妹趕歸去做齋，tai你該位幾日，我續聽著佢在灶下同阿松怨怪講：「恁多人，屋家當吵，m̀知佢兜奈時正會轉去？」厥心舅樣恁mò禮貌，樣會趜捱等走he mò！論起來，還he厥細心舅玉蘭盡得人惜，會做家又煞猛……。
「你啊！愛提防厥大心舅，錢愛biang好勢啊，莫分佢偷哩！我話講忒哩！oi聽m̀聽盡採你！」進發講。
富強聽忒老弟進發講ke話，想前想後想當久……