《蘭軒小築》

...命 第一集

作者 --...羅秀玲

自從陳屋討了大陸心舅朱芸過後，屋家氣氛，就同曩擺麼个共樣。月華嫂看到對門麗琴嫂賴仔去越南討一個辛臼，手腳又當淨利，人也乖巧，看在月華嫂心肝肚，也想自家八字還未一撇賴仔阿松，討個姐仔。
阿松人矮dut8 dut8仔，人看起來也算老實，就人生來矮，故所到這下三十歲，還吂有細妹朋友。隔壁鄰舍也接接介紹細妹仔分阿松，但，看過一擺面就任何消息了，連電話打去，對方都肯接電話。
看到親戚朋友妹仔、賴仔大體都成家立業，月華嫂有成時顛倒有些把愁哩。暗時食飽時節，佢同老公富強參詳愛來討一個大陸心舅計畫……
「恁樣也好啦，緊相親幾下擺都無消息，歸就早兜討歸來對阿松也好。但這駁仔生理蓋好，到時會當無閒，該央時，我敢怕無法度去，你愛自家渡賴仔共下去大陸。」富強講。月華嫂食朝過後，去到庄肚該間專門包辦外籍新娘「美滿婚友社」，入門先前，招牌還寫等「只要三十萬，保證處女……」月華嫂目佛佛仔緊看……
「你好！有麼个事嗎？」李小姐笑微微仔問。婚友社李小姐，大家都喊佢「李老師」，因為在佢牽線之下，促成了不少佳緣。
「伯姆，你愛樣仔心舅啊？」李老師問了月華嫂。
「兩儕合線，細妹人乖巧就好了啦」，月華嫂恁樣回答。
李老師拿出來幾下本个相簿分月華嫂看，月華嫂講：「恁樣看多少有增差啦！你幾時還愛渡人飛過去看？」
「你寫好資料分我參考，我先擇過一擺，再分你等看愛去奈位看細妹仔；等我確定正打電話分你，等我消息囉！」李老師講。
該下文山識同阿爸佢等反對愛阿哥討大陸心舅想法，佢勸阿母愛三思而行，但兩老聽……「討過來文化風俗共樣，敢怕連食慣習也差蓋多呢？」文山恁樣分析。
「庄肚也多人討大陸妹抑越南心舅啊！文山，你莫愁啦！」阿姆像蓋落線樣仔。
透過婚友社安排，幾久，大略十過零日，月華嫂就帶等賴仔阿松共下去四川「尋辛臼」，出門時，富強還不時叮嚀月華：「愛選好兜啊心舅……選到忒壞看啊！」
坐了歸日飛行機，再對香港轉機，到四川，既經會斷烏。
「 喔，屎窟坐到會軟死哩！」阿松講。
「你感覺討隻姐仔恁簡單哦！」
「遽去洗身吧，天光日還愛早兜床去看你未來姐仔呢。」月華嫂講。
對台灣過去大陸討親總共有十過儕，就退休老兵，就死忒姐仔男仔人，像阿松三十出頭蓋少見。'
等了會點過鐘，李老師帶大家去到另外一隻間房，過後，大家坐落來看連續進來个細妹仔，隻隻都蓋後生，有兜還識半隻字，歲數盡細有十八，最大也有三十零……
「你有看著合意麼？」月華嫂問阿松。
「逐儕都無靚，看到中意。」阿松回答。
「過了五分鐘，阿松同阿姆講：「我較中意第一百空四號該位小姐。」
「兩人有了進一步交談，阿松也細義聽佢講話」。
「問了樣般？」月華嫂問李老師。
「佢講阿松人斯文老實，但，身高方面敢怕……」李老師恁樣回答。
「聽了佢等對話，阿松有兜失望。」
「再過看啊！無定著後背會有你合意。」李老師興蹀蹀仔講。
「歸日仔眼珠看啊下來，人也當，阿松看下手錶，用手拍阿姆：我想擇哩！你同我看好哩，看了當多儕，就尋我中意…」阿松講。
「姐仔你，樣愛喊我來擇呢？」阿姆咄佢講。
「你看啦，你擇好哩，我意見。」阿松講。
月華嫂看對面四十四號細阿妹仔朱芸，看起來目珠大大蕊，圓身也肥固固仔，分人感覺得人惜，佢又堵好矮嬷仔，配阿松兩儕差多平高定定，月華嫂就煞煞喊李老師去同對方講。
月華嫂看到李老師呢呢哪哪交涉，講了好久。
「樣般？該細妹仔有答應？」
「有啦，但佢講愛有兩人出去外背遊嫽行行仔，兩儕認識認識。」李老師講。
間日，月華嫂就跈等佢兩儕去峨嵋山邏嫽，該日，大家都搞到蓋暢，阿松同朱芸也講仔幾兜話。兩三日相處，阿松慢慢仔對朱芸有好印象，暗時睡目以前，阿姆問佢：「你有中意朱芸？」
「有啦！」阿松講。
「該，我天光去拜託李老師去朱芸屋家講親哪！」
「就恁樣決定了，姐仔你哦，到時討轉台灣，就莫怪阿姆我囉！」月華嫂講。
婚友社收費公訂價三十萬，過去大陸討親時，愛先撿分人五萬，到時萬一有確定愛討親話，再收尾款二十五萬。阿松早早就準備好錢銀，佢歡歡喜喜將紙票拿分李老師。
「天光日來去朱芸屋家講婚事囉！放寬心啊，愛留分你且母好印象，厥妹仔正會嫁分你啊！」李老師笑笑仔同阿松講。

• 《蘭軒小築》文章索引 | RSS | 寄給朋友
• « 上一篇 | 下一篇 »