《客語白話字聖經試讀版》

| | | 轉寄

Yok-hon Fuk-yîm, Thi-20-chông_2 Yâ-sû tui Mat-thai-lâ ke Mâ-li-â Hién-hien

約 20:11 Mâ-li-â hàn khî chhai fùn-mu ngoi keu; kì yit-phién keu, yit-phién thâm-theù khon fùn-mu tî-tú.
約 20:12 Chhiu khon-tó lióng-ke chok pha̍k-sâm ke thiên-sṳ́ ,chhô chhai Yâ-sû ke sṳ̂n-sṳ̂ ke-vi, yit-ke chhai theù liá-phién, yit-ke chhai kiok ke-phién.
約 20:13 Kì-teû chhiu mun kì kóng: “Fu-ngìn-kâ, ngì cho-mak-ke keu?” Kì chhiu tui kì-teû kóng: “He yîn-vi kì-teû sái-khôi ngài-ke Chú, ngài ya m̀ tî kì-teû chiông Kì piong chhai nai-vi?”
約 20:14 Kóng-liáu, kì chhiu chón-sṳ̂n, khon-tó Yâ-sû khî chhai ke, ya m̀ tî Kì chhiu-he Yâ-sû.
約 20:15 Yâ-sû chhiu tui kì kóng: “Fu-ngìn-kâ, ngì cho-mak-ke keu? He sióng má-ngìn?” Mâ-li-â láu-tó he kón fâ-yèn ke ngìn, chhiu tui kì kóng : “Sîn-sâng, ká-sṳ́ Ngì yû sái-cheú Kì, chhiáng lâu ngài kóng ngì piong chhai nai-vi, ngài hó chiông Kì sái-chón-lòi.”
約 20:16 Yâ-sû tui kì kóng: “Mâ-li-â.” Mâ-li-â chhiu chón-sṳ̂n, yung Hî-pak-lòi-fa tui Kì kóng: “Lâ-pô-nì”; chhiu-he kóng: “Sîn-sâng”.
約 20:17 Yâ-sû tui kì kóng: “M̀-hó lâi-tén Ngài; yîn-vi Ngài hàn-màng sông-hi kien Â-pâ;m̀-ku ngì hi Ngài-ke hiûng-thi ke-vi , lâu kì-teû kóng,Ngài oi sông-hi kien Ngâ Â-pâ, lâu ngì-teû ke Â-pâ, chhiu-he Ngài-ke Song-chú lâu ngì-teû ke Song-chú.”
約 20:18 Mat-thai-lâ ke Mâ-li-â chhiu-lòi lâu chung-mùn-thù kóng: “Ngài yû khon-tó Chú”; yu chiông Chú lâu kì kóng ke fa po pûn kì-teû tî.