《客語白話字聖經試讀版》

| | | 轉寄

Mâ-khó Fuk-yîm thi 1 chông_01 Sṳ̂-sé Yok-hon ke Chhòn-tho

1:1 Song-chú ke Lai-é, Yâ-sû Kî-tuk ke fuk-yîm he án-ngiòng khôi-sṳ́ ke.

1:2 Cheu siên-tî Yî-soi-â chhai Kì ke sû tî-poi só ki-chai; “Khon-â ! Ngài chhâi-phai Ngài-ke sṳ́-chá cho ngì ke siên-fûng,Kì oi vi ngì khôi-lu.”

1:3 Yû ngìn chhai khóng-yâ thai-sâng hêm kóng : “Oi chún-phi Chú ke lu, siû-chhṳ̍t Kì só oi hàng ke se-lu !”

1:4 Yok-hon chhai khóng-yâ vi ngìn hàng sé-lî, Kì siên-pu kóng: “Ngì-teû oi hi-chhie̍t chhui-ok, chiap-su sé-lî, Song-chú chhiu voi sa-miên ngì-teû ke chhui.”

1:5 Yù-thai chhiòn-thi lâu Yâ-lu-sat-lâng ke chung-ngìn, chhiòn-phu lòi chhìn-chhiu kì; kì-teû sṳ̀n-ngin chhṳ-kâ ke chhui, Yok-hon chhai Yok-tan-hò lòi vi kì-teû hàng sé-lî.

1:6 Yok-hon chok-tén lo̍k-thò-mô cho ke sâm, yung yeû-khiên chhàn-tén phì-tai; sṳ̍t chhó-máng lâu yâ-phûng-thòng ko ngit-è.

1:7 Kì siên-pu kóng : “Yû yit-ke chhai ngài heu-poi lòi ke ngìn, pí ngài kien yû khièn-piang, ngài chhiu-he kû-hâ-hi lâu Kì thot-hài ya mò chṳ̂-kiet.

1:8 Ngài he yung súi vi ngì-teû hàng sé-lî, chúng-he Kì oi yung Sṳn-Lìn vi ngì-teû hàng sé-lî.”