《客語白話字聖經試讀版》

| | | 轉寄

Má-thai Fuk-yîm thi 16 chông_03, Pí-tet Ngin Yâ-sû He Kî-tuk

16:13 Yâ-sû lòi to Khái-sat-li-â Fî-li̍p-pí ke thi-fông; chhai ke-vi, Kì chhiu mun Kì-ke mùn-thù kóng : “Yit-pân-ngìn kóng Ngìn-chṳ́ he má-ngìn nò?”
16:14 Mùn-thù en kóng : “Yû ngìn kóng he hàng Sṳ̂-sé Yok-hon; yû ngìn kóng he Yî-li-â; ya yû phe̍t-ngìn kóng he Yâ-li-mí,fe̍t-chá he khì-thâ siên-tî tông-chûng ke yit-ke.”
16:15 Yâ-sû lâu kì-teû kóng : “Ngì-teû nè? Ngì-teû kóng Ngài he má-ngìn nò?”
16:16 Sî-mùn Pí-tet chhiu en kóng : “Ngì he Kî-tuk, yún-sên Song-ti ke Chṳ́.”
16:17 Yâ-sû tui kì kóng : “Sî-mùn, Yok-nâ ke lai-é, ngì chṳ̂n yû fuk-hi; yîn-vi liá m̀-he ngìn chṳ́-sṳ ngì ke, he Ngài chhai thiên-táng ke Â-pâ khí-sṳ ngì ke.
16:18 Ngài lâu ngì kóng, ngì he Pí-tet, he phàn-sa̍k;chhai liá phàn-sa̍k song, Ngài oi kien-li̍p Ngài-ke kau-fi, lièn sí ke khièn-sṳ ya m̀ voi yàng-ko kì.
16:19 Ngài oi chiông Thiên-koet ke só-sṳ̀ kâu pûn ngì; thai-fàm ngì chhai thi-song só kim-chṳ́ ke, chhai thiên-táng ya pit-thin kim-chṳ́ ; ngì chhai thi-song só phî-chún ke, chhai thiên-táng ya pit-thin phî-chún.
16:20 Yèn-heu, Yâ-sû kim-chṳ́ mùn-thù lâu ngìn kóng Kì chhiu he Kî-tuk.