《客語漢羅聖經試讀版》

| | | 轉寄

約翰福音 第十九章_1 耶穌pûn人釘十字架

19:17 所以他teû帶耶穌出來,祂揹著自家ke十字架,到一處喊做頭那殼ke所在,(希伯來話喊做各各他)。
19:18 在該位他teû將祂釘在十字架頂,另外還釘兩個人,一個在左片,一個在右片,耶穌在中央。
19:19 彼拉多又寫一塊牌仔,喊人釘在十字架頂高,Ke牌仔所寫ke就係:「猶太人ke王,拿撒勒人耶穌。」
19:20 有盡多猶太人看到這個牌仔;因為耶穌釘十字架ke所在離開城無幾遠,係用希伯來,拉丁lâu希臘ke文寫ke.
19:21 猶太人眾祭司長就對彼拉多講:「莫寫猶太ke王;oi寫做,祂自家講我係猶太人ke王。」
19:22 彼拉多回答講:「我所寫ke,已經寫lé,做m̀得改。」
19:23 兵仔釘耶穌在十字架頂以後,就將祂ke外衫pûn做四份,兵仔各人一份,又拿祂ke內衫;這個內衫m̀係用線合起來ke,係kûi塊布仔做ke.
19:24 所以兵仔就參詳講:「我teû m̀好扯爛祂ke衫,來抽籤仔,看má人得到;」這應驗聖經所講ke,他teû彼此pûn我ke外衫,又為著我ke外衫來抽籤仔。 這teû兵仔就án-ngiòng來做。
19:25 耶穌ke阿姆,lâu Kiâ姆ke老妹馬利亞,還有革羅罷ke pû娘馬利亞,並抹大拉ke馬利亞,khî在耶穌ke sùn頭。
19:26 耶穌看到Kiâ姆,並所愛惜ke門徒,khî在sùn頭,就對Kiâ姆講:阿姆,看啊!你ke子!
19:27 耶穌就對ke門徒講:「看啊!Ngiâ阿姆!Tui ke時,ke門徒接祂ke阿姆到自家ke屋下住。