《客語漢羅聖經試讀版》

| | | 轉寄

馬太福音第十六章_04 耶穌預言自家ke死lâu復活

16:21 從ke時候,耶穌正指示祂ke門徒,講祂自家一定oi上耶路撒冷去,受ke-teû祭司長,長老lâu經學教師ke種種苦難,也會被人殺害,總係第三日就會復活。
16:22 彼得牽等祂,就開始勸祂講:「主啊!做m̀得!這件事一定做m̀得臨到祢身上!」
16:23 耶穌反轉lâu彼得講:「撒旦,你閃開!你係我ke絆腳石;你係使我犯罪,因為你ke想法m̀係對上主來ke, 係人ke想法。」
16:24 耶穌就對祂ke門徒講:「若有人想oi thèn我,就定著oi放下自家,擎起他ke十字架來thèn我。
16:25 因為所有想oi救他自家生命ke人,就一定喪失生命;為著我喪失他ke生命ke人,反轉就得到他ke生命。
16:26 因為人就算得到全世界,總係喪失自家ke生命,有mak-ke路用喏?當然無!他oi用mak-ke來換他ke生命喏?
16:27 因為人子oi在祂ke阿爸ke榮光中,lâu祂ke-teû使者共下降臨;ke時祂就oi照各人ke行為來施行報應。
16:28 我實在lâu你teû講:「khî在這位ke人,有teû在死以前,一定會看到人子臨到他teû當中來掌權。」